Bogoslovska smotra, Vol. 26 No. 4, 1938.
Crtice
Bernardin Polonijo
Sažetak
Relate ad Magdeburgensium Centuriatorum principem Mathiam Flacium sive Flaccum lllyricum, recte Mathiam Vlačić - Franković, Croatam de Istria, dicitur scribiturque communiter, eum in O. F. M. Conventualium avunculum (matris fratrem), Baldum seu Ubaldum Lupetina nomine habuisse, qui Lutheranismo infectus nepoti suasisset, ut reformationi Lutheranae adhaesurus eique vires suas praebiturus, in Germaniam se transferret.
Juxta duo opera manuscripta, unum p. Joannis Hyacinthi Sbara1ea, cui titulus »Minoritanae Ecclesiae Synopsis«, et p. Nicolai Papini, cui titulus »Appendix ad Supplementum Scriptorum Franciscanorum p. M. Hyacinthi Sbaraglia«, quae ambo in Archivio Curiae Generalitiae O. F. M. C. Romae ad SS. XII. Apostolos asservantur, diversimode, puto, sc res habet. Illic enim asseritur, avunculum Mathiae Flacci Illyrici Rufinum Lupatum fuisse, qui Lupatus professor extitit in Athenaeo Patavino et in quodam clericorum seminario in suburbio Paduae, virum praedicatione, varia eruditione, ac sanctitate illustrem; quapropter ab Hadriano papa VI. anuo 1522. archiepiscopus constituitur. Hoc ipso anno vita functus, in basilica Patavina S. Antonii, juxta quam uti O. F. M. C. alumnus vixerat, tumulatur.
Si ergo Rufinus Lupatus et Ubaldus seu Baldus Lupetina una eademque persona est, inter clariora Ecclesiae Romano-catholicae, nationisque croaticae, nec non Conventualium Ordinis lumina foret accensendus, neque eidem ulla de nepotis Flacci Illyrici perversione culpa imputanda. Quod autem revera una eademque persona sit, ex cognomine argui licet; Lupatus enim nonnisi humanistica vocis Luipetina iorma videtur; Baldus vero sive Ubaldns baptismale forsan Rufini Lupati-Lupetinae nomen fuit; aut e contra Lupatus-Lupetina, in Religione franciscali Baldus vel Ubaldus dictus, qua Ecclesiae Antistes ad nomen baptismale Rufinus rediit.
Ključne riječi
Hrčak ID:
42145
URI
Datum izdavanja:
5.6.1939.
Posjeta: 1.139 *