Bogoslovska smotra, Vol. 42 No. 2-3, 1972.
Crtice
Franjo Šanjek
; Katolički bogoslovni fakultet Sveučilišta u Zagrebu, Zagreb, Hrvatska
Sažetak
R. P. Jordanus (Nicolaus) Kuničić die 21. iulii 1908. in vico DOL, dioecesis HVAR, lucem adspexit. Scholam elementarem ibidem terminavit. Gymnasium incoepit in STARI GRAD, continuavit in Schola Apostolica Ordinis Praedicatorum Ragusii, ubi novitiatum explevit (1924) et primam professionem emisit (1225). Anno 1926. Romam ad altiora studia peragenda missus fuit. Sacerdos ordinatus 1931. In Collegio Angelico, nunc Universitas Pontificia Sancti Thomae, gradum Lectoris necnon Doctoris in sacra theologia adeptus est anno 1933.
Anno academico 1933—1934. incoepit munus professoris in Studio theologico O. P. Ragusii. Eodem tempore, et quidem 1936, professoris munus obire coepit in gymnasio et in Academia paedagogica, quod munus anno 1944, ob mutatas conditiones politicas, deseruit. Annis 1948—1955. officium Lectoris Primarii in Studio provinciae Ragusii gerebat.
Tempore commorationis Ragusii bis officio Prioris conventus fungebatur et, ab anno 1945. ad 1955, rector vicinae ecclesiae et conventus Gravosii institutus fuit. Ragusii vires impendit ut sic dictam quaestionem agrariam cum potestate civili felici exitu terminaret. Hoc et factum est, Ecclesiam, conventum ac aedificia conventus Gravosii incursione aerea in secundo bello mundano destructa reparare curavit et de novo construere. Varia quoque munera in dioecesi ragusina obibat, vg. officium praesidis Commissionis pro musica sacra et, ab anno 1936. ad 1956, organaedi et adiutoris directoris Scholae cantorum in ecclesia cathedrali gerebat.
Anno 1955. Zagrebiam pergit et cathedram theologiae moralis, doctrinae socialis catholicae, tardius etiam paedagogiae, in Facultate Theologica Zagrebiensi assumit. Anno 1959. Magister sacrae Theologiae institutus est. Annis 1963—1972. director principalis ephemeridis BOGOSLOVSKA SMOTRA existit, et munus Decani Facultatis sexties obibat. Item, relator primus in Tribunali matrimoniali secundae instantiae per multos annos existebat. Insuper, dum munere Decani fungebatur, Congressum pastoralem theologicum, qui quotannis coadunatur, moderebatur.
Morbus illum coegit strictiorem mensuram activitati ponere. Nunc quidem scribere variis in ephemeridibus non desinit, item docet, sed intensitas eius activitatis decrescens apparet, quod et medicorum consilio in actum deducere cogitur.
Tamquam theologus ab archiepiscopo Francisco Franić vocatus, conscripsit aliquas adnotationes in propositum textum olim Schematis XIII Conc. Vat. II, nunc GAUDIUM ET SPES. Adfuit aliquibus sessionibus praeparativis pro Schemate in aedibus Vaticanis.
Prout ex manuscripto constat cordi auctori fuit in n. 1. Ecclesia alloqui volens universos homines bonae voluntatis non semetipsam populum Dei appellitet, et in n. 1, talis terminus fuit sublatus; voluit ut memorentur valores perennes et principia immutabilia (GS n. 4, 10); unde in tuto dixit ponenda lex universalis, aeterna, ordo obiectivus moralis (GS n, 16, 51; 1M n. 6; DH n. 14); conscientia non reducitur ad subiectum sicut ad ultimam instantiam, sed ad ordinem moralem obiectivum (GS n, 16, 51); differentiam dicit inter libertatem psychologice acceptam et moraliter (GS n. 17); contra nimium accentum in dimensionem socialem hominis voluit ut accentus poneretur in personam hominis (GS n. 25); ius belli defensivi etiam atomici denegari nemini licet (GS n. 79); amor hominem non facit hominis personam et ex textu talis idea sublata est; ut tollatur, insistebal, hominem habere ius strictum ad laborem, et textus sublatus fuit etc.
Bene vero, sine dubio et alii quoque observationes in eodem sensu fecerunt, sed ipse auctor contentus mansit suas observationes cum aliorum concordes furese in aliminandis minus rectis propositionibus propositis, ut ipse dicebat, a neo-theologistis non satis theologice formatis.
Ključne riječi
Hrčak ID:
36668
URI
Datum izdavanja:
12.12.1972.
Posjeta: 2.154 *