Bogoslovska smotra, Vol. 36 No. 2, 1966.
Izvorni znanstveni članak
Tomislav Janko Šagi-Bunić
; Katolički bogoslovni fakultet Sveučilišta u Zagrebu, Zagreb, Hrvatska
Sažetak
Delineatur conamen fundationis theologicae illius quod hodie vocari solet »l'aggiornamento« Ecclcsiae, procedendo a doctrina const. dogmaticae; »Lumen gentium« conc. Vaticani II. In sua forma definitiva eschatologica Ecclesia historiam humanam et tempora transcendit, sed Ecclesia in condicione sua peregrinationis historiam hominum inseritur et condicionibus fluxus historici subiicitur. Christus Ecclesiam in hac condicione terrestri aptis mediis unionis visibilis et socialis instruxit, quorum ipse conservationem indefectibilem promisit ita ut Ecclesia in omnibus situationibus historiae humanae semper secum ipsa identica maneret, sed haec media et instrumenta (primatus, episcopatus, sacramenta...) nihilominus indolem temporalem et historicam habent. Ideo mutationibus ad meliorem expletionem functionis suae decursu historiae obnoxia sunt et varietatem formarum concretarum suscipere possunt et debent, immo multas formas novas seu organa ad actionem suam et missionem exequendam creare, iuxta temporum et locorum circumstantias et rerum adiuncta. Sed nulla ex his formis et organis, utpote quae essentialiter fluxui historiae inseruntur, ad statum rigiduin et definitive ordinatum reducta esse debent, quae ad venerationem et conservationem praetendere possent, etiamsi functionalitatem iam amiserunt aut in eo sunt ut amiserint. Ecclcsia non habet missionem ut civilisationem et culturam humanam creet, sed in civilisationes intrat, ut eas suscipiat, sanet, elevet, spiritu Christi imbuat et in Christo recapitulet. Ideo Ecclesia peregrinans structurationem suam externam et visibilem continuo ita ordinare debet ut ope eius in omnibus civilisationibus et in omni momento historiae: humanae efficaciter praesens esse possit ad missionem suam divinam exequendam. In concilio Vaticano II Ecclesia novam cognitionem indolis suae historicae in conscientiam assumpsit, scilicet possibilitatem et necessitatem ut habitudinem positivam et activam assumat non solum versus homines singulares et versus Statum, sed etiam versus magnos motus et coetus hominum, etiam in fundamento religioso collectos.
Ključne riječi
Hrčak ID:
41459
URI
Datum izdavanja:
14.2.1967.
Posjeta: 1.995 *