Bogoslovska smotra, Vol. 11 No. 4, 1923.
Izvorni znanstveni članak
Quid Codex iuris canonici sentiat de principiis probabilisticis, et quae inde pro praxi sequantur
Ivan Petar Bock
Sažetak
I. In dubiis iuris directe non solubilibus Codex iuris canonici, nulla usquam commemoratione facta opinionis probabilioris et opinionis aeque vel fere aeque probabilis, dicit leges ecclesiasticas non urgere (Can. 15, S 1.) et sic practice sequitur probabilismum solidum. Dubia facti secundum Lehmkuhl aliquando reducuntur ad dubium iuris, aliquando non possunt reduci. In priore casu tuto poterit adhiberi principium probabilismi in lavorem libertatis etiam secundum Codicem; in posteriore casu, ubi scilicet non de sola liceitate actionis hic et nunc ponendae agitur, sed praeterea de effectu necessario consequendo, Codex iterum plene concordat cum solido probabilismo; nam uterque in hoc casu vetat adhibere probabilismi principium in favorem libertatis, et praescribit vel tutiorem partem eligendam vel dispensationem petendam. Afferuntur exempla ex Codice.
II. 1. Praecipuum principium probabilismi »Lex dubia non obligat«, nuper iterum impugnatum a Renz et Grabmann, sed a perpetua traditione ecclesiastica admissum, inconcussum manet et practice confirmatur a Codice. 2. Ecclesia, approbando doctrinam moralem S. Alphonsi Liguori et sequendo in Codice principium solidi probabilismi, urfam eamdemque doctrinam tradit, nec sibi ipsa repugnat. 3. Unde adstipulari debemus concilianti tendentiae illorum auctorum moderatorum, qui, exemplo Patris Lehmkuhl S. I. et Patris Aertnys Congr. SS. Red., sententias S. Alphonsi priores et posteriores apparenter discrepantes, quantum possunt, quoad rem componere et conciliare contendunt, habentes prae oculis, Ecclesiam non potuisse simul approbare duo systemata moralia opposita; quod etiam ex Codice confirmatur. 4. Ecclesia, sicut ex una parte tuetur principium solidi probabilismi in Codice, ita ex altera parte multiplici abusui probabilismi apud laxistas adversatur.
Ključne riječi
Hrčak ID:
43940
URI
Datum izdavanja:
1.4.1924.
Posjeta: 965 *