Bogoslovska smotra, Vol. 29 No. 1, 1941.
Izvorni znanstveni članak
Juraj Paša
Sažetak
In expositione de slavophilismo nomen A. S. Homjakovi saepe nobis obvium fuit. Statuimus simul ipsum slavophilismi fundatorem et propagatorem fuisse. Ipso sc. ineunte inter slavophilos persuasum evenit Europam Occidentalem ad occasum rui, post hunc vero occasum Europae Occidentalis pravoslaviae Russia duce a Deo commissa vocatio incumbit, ut religionem christianam in terris salvaret et ulterius promoveret ita, ut Russia hoc modo una cum aliis nationibus Slavis quasi instrumentum Providentiae divinae in salvanda christtanitate esset. Huic fini Homjakov et propriam philosophiam (praesertim philosophiam historiae) et theologiam elaboravit.
Quaestio fit undenam et ipse has ideas hauserit? Huic quaestioni satisfacere prorsus impossibile est sine praevia cognitione originis, indolis totiusque vitae et activitatis Homjakovi. Homjakovi doctrina intime connexa est cum tota natura et vita ejus. Exinde opus est antequam dicta systemata philosophiae nec non theologiae Homjakovi exponemus, ut ipsius biographiam praemittamus. In hac biographia Homjakovi doctrina facile investigabitur.
Hoc igitur articulo delineamentis generalibus conspectum vitae Homjakovi exponere licet. A. S. Homjakov (1804—1860) e nobili diviteque familiae natus et educatus est. Optima indole praeclaroque ingenio praeditus in variis scientiis a iuventute raire eruditus fuit. Extraordinarium amorem erga Ecclesiam pravoslavam materno lacte suxit et fere ut sanctus ad finem vitae conservavit. Inde ininterrupte legem christianam vitamque honestam religiose observavit non obstantibus pravis sociorum exemplis et irrisionibus. Cura contra catholicas tum contra irreligiosas Russorum illius »illuminati« temporis tendentias pravoslaviam devotae vitae exemplo, disputationibus in nobilium circulis scriptisque strenue defendit.
Absoluta educatione more nobilium illus temporis militiae nomen dedit. Mox huic muneri valedicens actioni litterariae et artisticae sese dedicavit. Inter alia numerosa carmina duo conspicua drammata scripsit. Anno 1825. totam Europam peragravit. In bello contra Turcas (1828) tamquam miles fortis excellult. Domum reditus cum Catharina Mihajlovna Jazikova, sorore poëtae Jazikovi, matrinionium iniit vitamque patriarchalem duxit, quae et liberis fecunda iuit Virtute optimi economi multa latifundia,quorum heres factus est, prospere gubernavit, studium tamen numquam reliquit. Immo in septendecim variis campis scientificis facultates suas exercuit multaque scripsit. Nihilominus praeter studia historica, sociologica, juridica, biblica et alia maximam sibi famam in studiis philosophicis et theologicis adeptus est. Hoc modo revera dux slavophilorum, pravoslaviam russicam et slavicam ut fundamentum cultus humani russici propugnantium, factus est.
Ključne riječi
Hrčak ID:
47540
URI
Datum izdavanja:
23.10.1941.
Posjeta: 891 *