Bogoslovska smotra, Vol. 11 No. 2, 1923.
Original scientific paper
De sensu can. 1099. Cod. Iur. Canonici
Angelo Ruspini
Abstract
I. Expositio textus. In n. 1. § 1. can. 1099. subjicitur formae Codicis matrimonium, quod inter se contrahunt partes, quarum utraque semel ingressa est in Ecclesiam catholicam sive per baptismatis susceptionem in eadem sive per conversionem ad eandem ex haeresi vel schismate. Defectio ab Ecclesia catholica memoratas personas a servanda forma non eximit, excepto casu de quo in secunda parte § 2. can. 1099. Praescriptum n. 1. § 1. can. 1099. rescipit matrimonium partium, quarum saltem una tempore celebrationis de jure ad latinum ritum pertinet. — In n. 2. § 1. can. 1099. subjicitur formae Codicis matrimonium, quod cum parte semper acatholica contrahit vel pars nunc catholica, vel pars nunc acatholica, quae olim in Ecclesiam catholicam ingressa est sive per baptismi susceptionem in eadem sive per conversionem ad eandem ex haeresi vel schismate. Defectio ab Ecclesia catholica partem olim catholicam a servanda forma non eximit, excepto casu de quo in secunda parte § 2. can. 1099. Praescriptum n. 2. § 1. can. 1099. respicit matrimonium, quod cum parte semper acatholica contrahit pars nunc de jure ad latinum ritum partinens. — In n. 3. § 1. can. 1099. subjicitur formae Codicis matrimonium, quod pars nunc de jure ad ritum orientalem pertinens contrahit cum parte, quae nunc de jure ad latinum ritum pertinet quaeque semel in Ecclesiam catholicam ingressa est sive per baptismi susceptionem in eadem sive per conversionem ad eandem ex haeresi vel schismate. — In prima parte n. 1. § 2. can. 1099. liberum edicitur a forma Codicis matrimonium, quod inter se contrahunt semper acatholici. — In secunda parte § 2. can. 1099. eximitur a forma Codicis, non obstante susceptione baptismatis in Ecclesia catholica in infantia, matrimonium ab acatholicis parentibus nati, qui extra Ecclesiam catholicam adolevit, quod ipse contrahit cum acatholico forma Codicis directe non ligato. II. Normae ad discernendas personas, quae formae Codicis subjacent respective non subjacent. Lex Codicis de matrimonii forma unam rescipit Ecclesiam Latinam, et Orientalem eatenus tantum obligat, quatenus rei natura, in casu nostro individuus matrimonialis contractus, id exigit. Suam formam Codex ne quidem omnibus latinis directe imponit, sed illis tantum, qui in Ecclesia Catholica sunt baptizati vel ad eandem ex haeresi aut schismate sunt conversi. Ceteri latini, aeque ac orientales et non baptizati, eatenus tantum ad formam Codicis servandam tenentur, quatenus id individuus matrimonialis contractus exigit. Directe ligatus formam Codicis in omni suo matrimonio servare debet; indirecte vero ligatustantum in matrimonio, quod cum persona directe ligata contrahit. — Solo valido baptismate homo certo ritui non adscribitur. Exponuntur momenta, quae ritum determinant — Indicantur leges quae ritum moderantur. — Exponitur influxus, quem mutatio ritus speciatim in formam matrimonialem habet. III. Conspectus matrimoniorum, quae formae Codicis subjacent respective non subjacent.
Keywords
Hrčak ID:
43913
URI
Publication date:
20.9.1923.
Visits: 1.080 *