Bogoslovska smotra, Vol. 27 No. 1, 1939.
Original scientific paper
Kamilo Dočkal
Abstract
Absoluto tractatu de Nestorianis auctor ad tractanda fata Monophysitarum progreditur. Hunc in finem primum origo novae periculosae haeresis, cujus initiator Eutyches Abbas Constantinopolitanus, primi vero propagatores Dioscurus patriareha Alexandrinus et Abbas Barsumas Syrus erant, describitur. Crimen, a Dioscuro et Barsumas in Latrocinio Ephesino a. 449. patratum, in Concilio oecumenico IV. Chalcedone a. 451. celebrato, ubi nova haeresis unam tantum naturam in Christo docens condemnata, reparatum est. Utriusque concilii fata fusius exponuntur. Contra decreta Concilii Chalcedonensis monachis haereticis instigantibus oppositio vehementissima et sanguinea in Palaestina,
Syria necnon Aegypto exorta est, ad quam exstinguendam imperatores Byzantini non solum armis sed etiam edictis religiosis, quamquam inopportunis et sibi contradicentibus usi sunt. Ratio vera crudelissimae oppositionis Monophysitarum contra »Melkitas« non erat doctrina christiana, verum aemulatio ethnica et politica. Populi Chamo-Semitici doctrina christiana qua ansa et praetextu pro pugna contra potestantem politicam Byzantii utebantur. Inde tanta erudelitas, inde tanta saevities!
Elucubrata origine novae haeresis variae Monophvsitarum sectae
necnon ecclesiae hucusque vigentes: Jacobitarum, Armenorum, Coptorum et Abessinorum enumerantur, earumque mutua relatio describitur. Praetermissis Armenis, Coptis et Abessinis, de quibus postea specialis tractatio instituetur, Jacobitarum Syriam inhabitantium fata temporis cursu breviter elucubrantur. Jacobitarum numerus nunquam magnus erat. Quemadmodum saeculo 5. et 6., ita etiam postea Jacobitae in urbibus tantum Syriae et Mesopotamiae vivebant. Tempore maximae prosperitatis Jacobitae 20 metropolitas necnon 103 episeopos in Syria numerabant, qui numerus saec. 16. ad 20 dioeceses decidit. Post bellum (1914—1918) Jacobitae unum Patriarcham in Mossul residentem, 11 metropolitas residendiales et 3 episeopos habent. A saec. 6. usque ad saec. 13. Jacobitae Syri disciplinas theologicas prophanasque maxime colebant. Scriptores jacobiti eorumque opera per saecula currendo in proprio capite enumerantur. Hisce absolutis doctrina Jacobitarum, eorum cultus necnon hierarchia fusius exponitur. Sicut Nestoriani, ita etiam Jacobitae cum Sede Romana temporis cursu relationes inierunt. Descriptis unionis tentaminibus medio aevo factis fata unionis verae ab anno 1662. quo ecclesia Jacobitarum cum Sede Romana unitorum seu Syrorum catholicorum patriarcham proprium
obtinuit, usque ad hodierna tempora describuntur. Specialis
tractatus celeberrimis Patriarchis Syrorum Ephremo II. Rahmani (1898—1929) necnon Ephremo Gabrieli Cardinali Tappouni consecratur. Quibus absolutis status hodiernus Syrorum catholicorum (eorum organizatio, cleri educatio, vita monastica, statistica ecclesiastica) describitur. Sub fine tractatus bibliographia adjicitur.
Keywords
Hrčak ID:
42099
URI
Publication date:
11.10.1939.
Visits: 1.460 *