Izvorni znanstveni članak

Mato Zovkić ; Vrhbosanska katolička teologija, Sarajevo, Bosna i Hercegovina

Sažetak

Christiani tamquam conversi ad Dominum in Act ap 9,32—35; 11,19—21 thema indagationis huius est. In notione conversionis ad Dominum, qui pro judeo-christianis Jesus resuscitatus dum pro ethnico-christianis Deus Scripturarum et Jesus resustitatus est, omnes ceterac denominationes neotestamentariae communitatem christianam spectantes includuntur: discipuli, credentes, sancti, ecclesia, sequaces Viae, christiani. Ad conversionem requiritur nempe poenitentia pro peccatis, adhaesio ad Jesum ut Christum et Dominum, fides, baptismus. Aspectus negativus conversionis in Act ap maxime verbo metanoein exprimitur, aspectus vero positivus verbo epistrephein.
Pericopae 9, 32—35 et 11, 19—21 verbo epistrephein christianos tamquam conversos ad Dominum praesentant. In prima, post miraculum a Petro patratum, non sequitur consueta admiratio praesentium
nec praedicatio quae vocaret spectatores ad poenitentiam. Unde praesummitur eam essc traditionem praelucanam de ortu communitatis christianae in Lydda ejusque influxu missionario in regionem circumjacentem. Secunda delineat originem et progressum primae communitatis ethnico-christianae in urbe Antiochia. Missionarii, persecutione a Jerusalem dispersi, Antiochiae primo non-Judeis Jesum esse Dominum proclamant. Oritur ecclesia localis et tamen non ponitur nec solvitur quaestio tumultuans de circumcisione.
In utraque pericopa activitas missionaria perspicitur. Conversio post sanationem miraculosam detegit praesentiam dynamicam Jesu resuscitati, confirmantis proclamationem apostolorum. Missio antiochena mediis ordinariis nititur, nempe humili et perseveranti praedicatione de Jesu qui Evangelium et Dominus est {euangelizomenoi ton Kyrion Iesoun). Ecclesia in Lydda expectat numerosa miracula corroborantia proclamationem evangelii; contra, ecclesia antiochena conscia sibi fit navitatem postulari a Deo humanam, sine signis et mediis extraordinariis.
Ex indole conversionis ad Dominum apud eos qui fidem christianam acceptabant in Ecclesia primaeva, apparet studium christocentricum praedicationis apostolicae et activitatis missionariae. Christiani tamquam conversi ad Dominum sunt communitas eorum qui Christo vocanti responderunt.

Ključne riječi

Hrčak ID:

35960

URI

https://hrcak.srce.hr/35960

Datum izdavanja:

27.1.1975.

Podaci na drugim jezicima: hrvatski

Posjeta: 1.762 *