Izvorni znanstveni članak

Raimondo Spiazzi

Sažetak

I) Novam conscientiam propriae missionis religiosae et supernaturalis habet Eeclesia, quae hodie melius distinguit munus suum specificum nempe spirituale et pastorale, non solum a potestate politica quae accidentaliter aliquando potestati spirituali communicata est, sed etiam a muneribus suppletoriis in re oeconomica, cullurali, recreativa etc. quae saepe assumpsit. Evolutio actualis institutionum, iuris et mentalitatis ad hoc ducit, quod per societatem politicam melius articulatam et organisatam multis necessitalibus provideatur. Manet taman pro Ecclesia possibilitas et ius fungendi multis muneribus socialibus ad missionem suam religiosam, caritativam et apostolicam adimplendam .,.
II) Ex hac nova consicientia sui quam habet Ecclesia, derivatur munus specifice pastoralis et spiritualis ministerii hierarhici et sacerdotalis, quod circa vitam socialem exercetur praesertim in forma magisterii, sive in proclamatione Evangelii et iuris naturalis, sive in formatione conscientiae et directione conscientiae, sive in »animatione« ethico-religiosa evolutionis culturalis. An hoc autem magisterium exercendum oportet esse paratos s i v e in vera. doctrina sociali quae ex Evangelio eruitur, s i v e in cognitione rerum socialium sui temporis, et praesertim problematum quae oriuntur in stadio evolutivo societatis circa distributionem bonorum et organisationem politicam, quibus lux doctrinae Evangelii afferenda est cum sinceritate cordis et mentis, absque ligamine ad visiones parficulares vel ad interesse coetus et classis quae iam ab evolutione historica perimuntur.
III) In magisterio exercendo necessarium est sequi viam prudentiae, quae non excludit sed exigit fortitudinem, praesertim in principiis Evangelii et iuris naturalis proclamandis in libertate Ecclesiae vindicanda, in »caritate veritatis« exercenda, — et tamen quoad applicationes practicas principiorum rationem habet de locis, temporibus, situationibus etc., necnon de gradui cenrtitudinis vel incertitudinis salutarium propositionum, de complexitate situationum, de motivis historicis quibus mutationes saltem in parte explicantur etc. Sacerdos propterea curabit:
a) adaptationem suae actionis ad circumstantias et praesertim ad typum regiminis sub quo invenitur, salva semper libertate praedicandi Evangelium et doctrinam Ecclesiae quae certa et universalis sit;
b) methodum »dialoghi« cum omnibus, etiam adversariis christianismi, ad inveniendam veritatem saltem partialem quae apud omnes habetur, et proinde puncta contactus, et, si casus ferat collaborationis, in eo quod est bonum vel saltem ad bonum adduci potest (Pacem in terris).
Res valde difficilis. Absque dubio difficilior quam in regimine christianitatis stabilitae et officialiter publicisatae. Tamen haec est necessitas quae ex evolutione societatis infertur. Haec est etiam exigenitia fundamentalis ad bonum animarum consequendum in nostro tempore. Via nova Ecclesiae per quam regnum Dei praeparatur et diffunditur.

Ključne riječi

Hrčak ID:

41229

URI

https://hrcak.srce.hr/41229

Datum izdavanja:

10.10.1967.

Podaci na drugim jezicima: hrvatski

Posjeta: 1.321 *